Katër shtetas shqiptarë janë arrestuar dhe dënuar pasi u kapën nga policia në “shtëpi bari”. Shqiptarët u dërguan në burgun e HMP Grampian në Skoci, pas vendimit që i dënoi me nga 2 vite burg secili.
Sipas medieve vendase, shqiptarët e identifikuar si Fabio Marku, 28-vjeç, Arjel Lleshi, 24, Glevis Xhepa, 26 vjeç dhe Donald Xhepa, 29 vjeç thanë se kishin ardhur ilegalisht në Mbretërinë e Bashkuar dhe kishin përfunduar duke punuar si “kopshtarë’ në kultvimin e kanabisit për të shlyer borxhin e trafikantëve që i kishin sjellë.
Aktiviteti i bandës shqiptare u zbulua nga një arkitekt, i cili thuhet se pa bravat e ndërruara, të cilat i kanë tërhequr vëmendjen. Ai hyri brenda në dhomën e hotelit “Huntly Arms” dhe gjeti bimë kanabisi që rriteshin nën dhjetëra llampa. Katër të rinjtë u gjetën më pas nga policia të njëjtin mëngjes në dhomë dhe u arrestuan.
Sipas autoriteteve skoceze, efektivët sekuestruan 520 bimë lëndë narkotike cannabis sativa, të cilat pas kultivimit dhe shitjes llogaritet të kapnin vlerën e 412 mijë e 200 paund.
Discussion about this post