Një 32-vjeçar amerikan është arrestuar në Tiranë, pasi policia i gjeti kanabis sative, por edhe “kërpudha magjike”, të cilat të përdoren për të përmirësuar simptomat e depresionit të rëndë.
Në kuadër të operacionit të koduar “Shrooms” në pranga u vu, Ashique Uahid 32-vjeç, i cili u kap në kodrat e liqenit.
“Shërbimet e Policisë kanë lokalizuar në parkun e liqenit artificial të Tiranës, shtetasin e lartpërmendur, të cilit gjatë kontrollit fizik dhe të banesës, i gjetën dhe sekuestruan, në cilësinë e provës materiale, lëndë të dyshuar narkotike kanabis dhe psilocybin (kërpudha magjike)”,tha policia.
Çfarë është kërpudha magjike
Kërpudha magjike është droga më e sigurtë, ku vetëm një në 500 përdorues të saj janë dërguar në spital, kjo për shkak të efekteve anësore halucinogjene të saj.
Krahasuar me drogat e tjera të popullarizuara si MDMA, LSD apo kokainë, efektet anësore të kërpudhave magjike janë rreth pesë herë më të ulëta.
Kërpudhat magjike, janë përfolur për një kohë të gjatë si ilaçe potenciale për trajtimin e depresionit dhe ankthit.
Njoftimi i policisë
Finalizohet nga Sektori për Hetimin e Narkotikëve në bashkëpunim me Komisariatin e Policisë Nr. 1, operacioni policor i koduar “Shrooms”.
Sekuestrohen sasi lënde të dyshuara narkotike kanabis dhe psilocybin (kërpudha magjike).
Arrestohet në flagrancë poseduesi i tyre.
Specialistët e Sektorit për Hetimin e Narkotikëve, në bashkëpunim me Komisariatin e Policisë Nr. 1, në vijim të operacioneve të njëpasnjëshme për goditjen e veprimtarive kriminale në fushën e narkotikëve, të mbështetura nga inteligjenca operative, kanë organizuar në drejtimin e Prokurorisë, operacionin policor të koduar “Shrooms”.
Si rezultat i këtij operacioni u arrestua në flagrancë shtetasi amerikan A. U., 32 vjeç, banues në Tiranë, për veprën penale “Prodhimi dhe shitja e narkotikëve”.
Shërbimet e Policisë kanë lokalizuar në parkun e liqenit artificial të Tiranës, shtetasin e lartpërmendur, të cilit gjatë kontrollit fizik dhe të banesës, i gjetën dhe sekuestruan, në cilësinë e provës materiale, lëndë të dyshuar narkotike kanabis dhe psilocybin (kërpudha magjike).
Materialet procedurale i kaluan Prokurorisë, për veprime të mëtejshme.
Discussion about this post