Dy persona janë arrestuar dhe një tjetër është vënë nën hetim për dhunë në familje në Lezhë.
Bal Selimi është vënë në pranga nën akuzën e dhunës së vazhdueshme ndaj bashkëshortes. 30-vjeçari dyshohet dhe dhunonte fizikisht dhe psikologjikisht gruan, në prani të fëmijëve të mitur.
Nën hetim për dhunë dhunë fizike dhe psikologjike ndaj bashkëshortes është vënë edhe një 49-vjeçar, ndërkohë që gruaja u pajis me urdhër mbrojtje nga prokuroria.
Ndërkohë, Fred Trungushi është arrestuar, pasi dyshohet se ka ushtruar dhunë fizike ndaj nënës. 49-vjeçari do të hetohet për dhunë në familje.
Njoftimi i policisë
Si rezultat i reagimit të menjëhershëm të shërbimeve të Policisë, pas njoftimeve për 3 raste të dhunës në familje, në Lezhë dhe në Kurbin:
-u arrestua shtetasi Bal Selimi, 30 vjeç, banues në Lezhë, pasi në mënyrë të vazhdueshme dhe në prezencë të fëmijëve të tyre mitur, ka ushtruar dhunë fizike dhe psikologjike ndaj bashkëshortes së tij;
-u arrestua shtetasi Fred Trungshi., 49 vjeç, banues në Kurbin, pasi ka ushtruar dhunë fizike ndaj nënës së tij;
-u referuan materialet në Prokurori ku nisi procedimi në gjendje të lirë për shtetasin K. C., 49 vjeç, banues në Kurbin, pasi ka ushtruar dhunë fizike dhe psikologjike ndaj bashkëshortes së tij, e cila u pajis me urdhër mbrojtjeje.
Materialet procedurale i kaluan Prokurorisë , për veprime të mëtejshme.
Policia e Lezhës apelon për të denoncuar çdo rast të dhunës në familje dhe siguron se reagimi ndaj autorëve, do të jetë i menjëhershëm, ndërsa ndihma për të dëmtuarit nga kjo vepër penale, do të jetë e integruar.
Discussion about this post