Elton Ahmataj, një 24-vjeçar shqiptar ka humbur pa gjurmë në Francë. Denoncimin e ka bërë vëllai i të riut përmes një mesazhi në JOQ. Ai ka publikuar edhe foton e fundit që ka bërë Eltoni në Francë dhe shkruan se kushdo që e ka parë apo ka dijeni për fatin e tij ta lajmërojë.
Dyshimet janë se 24-vjeçari mund të jetë nisur nga Franca drejt Anglisë, por nuk dihet se çfarë mund të ketë ndodhur rrugës.
“Përshëndetje JOQ, Ju lutem publikojeni edhe njëherë rastin e Eltonit. Kemi humbur kontaktet me të prej 3 javësh. Kjo është fotoja e fundit që ka bërë në Francë.
Nëse dikush e ka parë apo ka ndonjë informacion rreth tij i lutemi që të na kontaktojë,”- shkruan vëllai i Eltonit.
Discussion about this post