Uniformat blu në Fier kanë vënë në pranga një 44- vjeçar, i cili është kapur me armë zjarri në automjetin e tij. Policia njofton se bëhet fjalë konkretisht për të arrestuarin me emrin Artur Muka(Plaku) i cili është kapur nga shërbimet e Policisë në lagjen “1 Maji” ku gjatë kontrollit të automjetit tip “Citroen” u gjetën të fshehur në kofano një armë zjarri automatik dhe një krëhër me 30 fishekë, të cilat u sekuestruan në cilësinë e provës materiale. Ndersa rezulton me precedent në fushat Krime kundër personit, pronës, drogës.
Materialet i kaluan Prokurorisë pranë Gjykatës së Shkallës së Parë Fier për veprën penale “Mbajtja pa leje e armëve dhe municionit luftarak”.
