Emri/ I shpallur në kërkim për vrasje në Tiranë, arrestohet shqiptari në Gjermani

Është arrestuar në Gjermani një nga autorët e dyshuar të vrasjes së Briken Sanajt në 3 dhjetor 2022 brenda rezidencës së tij tek Kodra e Diellit.

Ditën e djeshme (16 prill), Vladimir Kola, i shpallur në kërkim ndërkombëtar nga Interpol Tirana në bashkëpunim me Interpol Wiesbaden u arrestua me qëllim ekstradimin në vendin tonë.Ai akuzohet për veprën penale plagosje me pasojë vdekjen, keqetrajtim, vrasje, armëmbajtje pa leje si dhe eksploziv, etj.

Vrasja ka ndodhur më datë 3 tetor të vitit 2022, ku Vladimir Kola, së bashku me persona të tjerë, ka qëlluar për vdekje Briken Sanajn,

Njoftimi

Si rezultat i shkëmbimit të informacioneve mes Policisë së Shtetit dhe homologëve gjermanë, finalizohet operacioni policor i koduar “Versus”. I akuzuar për vrasje me paramendim, në vitin 2022, kapet në Gjermani, pas shkëmbimit të informacionit mes palëve, dhe arrestohet me qëllim ekstradimi në Shqipëri, 41-vjeçari Vladimir Kola.

Në vijim të punës për gjurmimin, lokalizimin dhe kapjen e shtetasve të shpallur në kërkim, bazuar në informacionet e siguruara nga DVP Tiranë dhe shkëmbimin e tyre në kohë reale, mes Interpol Tiranës dhe Interpol Wiesbaden, është organizuar dhe finalizuar operacioni policor i përbashkët, i koduar “Versus”.

Në kuadër të këtij operacioni, është lokalizuar në qytetin Gelsenkirchen, Gjermani, dhe është arrestuar më qëllim ekstradimin në Shqipëri, shtetasi shqiptar, 41 vjeç.

Ky shtetas ishte shpallur në kërkim ndërkombëtar nga Interpol Tirana, pasi Gjykata e Tiranës, me vendimin e datë 23.11.2022, i ka caktuar masën e sigurisë “Arrest në burg”, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.

Më datë 30.10.2022, në zonën e quajtur “Kodra e Diellit”, 41 vjeçari., në bashkëpunim me shtetas të tjerë, dyshohet se ka vrarë me armë zjarri shtetasin B. S. Vijon puna për ekstradimin e 41-vjeçarit, në Shqipëri.