Policia e Përmetit, mëngjesin e kësaj ta marte ka vënë në pranga një 68- vjeçar i cili akuzohet për zjarrvënie të qëllimshme.
Bëhet fjalë për të arrestuarin e identifikuar me emrin Nevruz Ismaili banues në fshatin Kosinë, Përmet i cili sipas detajeve nga policia dje ka ndezur zjarr për djegien e disa barishteve në tokën e tij dhe si pasojë zjarri i favorizuar dhe nga era, ka dal jashtë kontrollit duke djegur një sipërfaqe toke me bimësi dhe 70 koshere me bletë në pronësi të personit të identifikuar me iniciale R. N.
Pritet që i arrestuari të përballet me akuzën për këtë vepër penale. Ndërsa materialet i kaluan Prokurorisë së Rrethit Gjyqësor Përmet, për veprime të mëtejshme.
Ndërkohë, Drejtoria Vendore e Policisë Gjirokastër apelon për të gjithë banorët, që në asnjë rast të mos shkaktojnë zjarrvënie, pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital, për çdo rast të zjarrvënies apo të paligjshmërisë në tërësi, duke iu garantuar anonimatin dhe reagim të shpejtë e të paanshëm.
