Policia italiane ka mundur të identifikojë dhe më pas të vërë në pranga personin që vrau 40-vjeçarin shqiptar Nexhat Rama, trupi i të cilit u gjet i djegur brenda një makine Range Rover. Sipas të dhënave të publikuar nga mediat italiane, në pranga ka rënë Davide Cristiano Mossali, i cili punonte mekanik u vu në pranga pas zbulimit të tabulateve telefonik duke rindërtuar kontaktet, por edhe duke këqyrur pamjet e kamerave pranë shtëpisë së viktimës. Cristiano Mossali aktualisht ndodhet në paraburgim, nën hetim për vrasje me paramendim, shkatërrim kufome dhe armëmbajtjes pa leje.
Bëhet me dijse viktima i kishte marrë një borxh prej 30 mijë eurosh nga Rama dhe për shkak të interesave të fajdeve shuma kishte për të shlyer ishte rritur në mënyrë eksponenciale, ndaj ai e kishte gjetur veten në vështirësi. Pamundësia për të shlyer borxhin dhe këmbëngulja e 40-vjeçarit për t’i kthyer lekët së bashku me interesin, raportohet se shtynë Davide Cristiano Mossali të hartonte një plan për të dalë nga situata e vështirë.
Sipas hetimeve paraprake, ai e ka qëlluar për vdekje me armë Ramën dhe më pas e ka futur në bagazhin e Range Rover-it që viktima i kishte huazuar vëllait të tij. Më pas ka braktisur mjetin mes vreshtave dhe misrit në Këln. Hetuesit prej pasdites së të hënës ishte vendosur për të identifikuar autorin e vrasjes.
Discussion about this post