Një 35-vjeçar është vënë në pranga nga Policia e Durrësit. Shkëlzen Elmazi, mbrëmjen e së hënës, grabiti bizhuteri floriri në një argjendari në lagjen nr.11 të qytetit bregdetar.
Arrestimi i tij në flagrancë u krye nga shërbimet e Komisariatit të Policisë Durrës, në bashkëpunim me ata të Forcës së Posaçme “Shqiponja”.
Në cilësinë e provës materiale u sekuestruan bizhuteritë e vjedhura.
Njoftimi
Vodhi bizhuteri floriri, në një argjendari, si rezultat i reagimit të menjëhershëm të Policisë, kapet në flagrancë dhe vihet në pranga 35-vjeçari.
Sekuestrohen bizhuteritë e vjedhura.
Mbrëmjen e djeshme, sapo janë njoftuar se një shtetas kishte vjedhur në një argjendari në lagjen nr. 11 Durrës, shërbimet e Komisariatit të Policisë Durrës, në bashkëpunim me ata të Forcës së Posaçme “Shqiponja”, kanë organizuar punën dhe kanë shkuar në vendngjarje, me qëllim kapjen e këtij shtetasi.
Si rezultat i veprimeve të shpejta hetimore dhe operacionale, u bënë identifikimi, kapja dhe vënia në pranga e autorit të dyshuar të vjedhjes, shtetasit Sh. L., 35 vjeç, banues në Durrës.
Discussion about this post