Policia e Durrësit ka identifikuar dhe arrestuar 32-vjeçarin Iliaz Lufta pasi kreu 3 vjedhje, gjatë 10 ditëve të fundit, në 3 lagje të ndryshme të Durrësit.
Njoftimi i policisë
Pas kallëzimeve për disa raste vjedhjesh, specialistët për Hetimin e Krimeve të Komisariatit të Policisë Durrës organizuan punën dhe në kuadër të operacionit policor “Sundimi i ligjit”, identifikuan, kapën dhe arrestuan shtetasin Iliaz Lufta, 32 vjeç, banues në Durrës.
Nga hetimet rezultoi se 32-vjeçari:
-më datë 20.11.2023, ka vjedhur pajisje në një banesë në lagjen nr. 14;
-më datë 23.11.2023, në lagjen nr. 8, i ka vjedhur një send personal, shtetasit I. O.;
-më datë 28.11.2023, në lagjen nr. 17, i ka vjedhur celularin dhe një shumë parash, shtetases Z. Sh., 66 vjeçe. Pamjet e këtij rasti u transmetuan në portalin “JOQ”, më datë 28.11.2023.
Discussion about this post