Një 18-vjeçar shqiptar është arrestuar në Sunderland (Britani), pasi u kap duke u kujdesur për rreth 50 rrënjë kanabisi në një shtëpi të shndërruar në laborator për rritjen e bimëve narkotike.
I riu Enkel Beqiri u kap duke tentuar të arratiset nga dritarja e tualetit të vilës në Tintern Street, teksa policia hyri në banesë. Kanabisi ishte vendosur në dhomën e gjumit dhe atë të ndenjes së bashku me të gjitha mjetet e nevojshme për rritjen e tij.
Policia zbuloi gjithashtu 2.5 kilogramë lëndë narkotike kanabis, e gatshme për shitje. Megjithatë i riu ka mundur t’i shmanget qelisë duke u dënuar me 12 muaj shërbim në komunitet në vend të burgosjes.
Discussion about this post