EMRI/ Kush është viktima nga aksidenti në Dibër

Të tjera detaje janë mësuar nga aksidenti i rëndë në Dibër, ku një 20-vjeçar që ishte pasagjer humbi jetën.

Mësohet se rreth orës 14:00 në rrugën e fshatit Melan (rrugë dytësore) mjeti me targa AA945MK me drejtues mjeti Roni Kata i datëlindjes 25/09/2004 ka dalë nga rruga, ku pasagjer në këtë mjet ka qenë Armend Spahiu i datëlindjes 2005 nga fshati Trenë.

Ky mjet po lëvizte nga fshati Melan për në rrugën kryesore Maqellarë -Peshkopi, ku ka dalë nga rruga dhe për pasojë ka humbur jetën pasagjeri qe ndodhej ne mjet, shtetasi Armend Spahiu.

Policia me deklaratë për mediat sqaroi gjithashtu aksidentin tragjik.

“Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga.

Si pasoje e aksidentit ka humbur jetën pasagjeri shtetasi A.S., 20 vjeç.

Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit”, tha policia.