Emri/ Makina përfundoi në lumë, kush është nëna që humbi jetën në Berat

Dalin pamjet e para nga aksidenti tragjik në Berat, ku humbën jetën nëna dhe djali i saj, 6 vjeç. Makina e cila drejtohej nga Klaudia Xhaferaj ka dalë nga rruga urbane “Antipatrea” pranë vendit të quajtur “Ura e re” në qendër të Beratit ka hipur në trotuar, thyer kangjellat dhe ka rënë në lumin Osum.

“Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë.

Për pasojë kanë humbur jetën drejtuesja e mjetit dhe fëmija i saj rreth 6 vjeç.

Grupi hetimor në vendngjarje po kryen veprimet për zbardhjen e shkaqeve të aksidentit.”-njofton policia.