Një aksident i rëndë ka ndodhur ditën e sotme në Berat, ku është plagosur një 57 vjeçar. Bëhet me dije se ngjarja ka ndodhur në Ferëm-Otllak, përpara zyrave të Drejtorisë Rajonale të Transportit Rrugor në Berat, ku mjeti tip Ford Fokus, me targa AA 350 MZ është përplasur me një motor, me targa BE 388.
Sipas burimeve drejtuesi i motorit ka rënë në asfalt pa ndjenja, ndërkohë që në vendngjarje kanë shkuar efektivët e policisë rrugore dhe ambulanca. Drejtuesi i motorit, Hekuran Rrapaj 50-vjeç, ka marrë plagë të shumta dhe është transportuar me ambulancë në Repartin e Urgjencës në Spitalin Rajonal të Beratit. Policia ka shoqëruar drejtuesin e mjetit Ford Fokus, Dervish Ruçaj.
Discussion about this post