“Arsenal” i armëve të gjetura në banesën e Algert Seda, mund të ishte bërë shkak për një tjetër krim në familje. Policia njofton se 39-vjeçari Algert Seda është arrestuar pasi është kapur duke dhunuar bashkëshorten e tij.
Konflikti i çastit mund të kishte përfunduar në pasoja fatale për jetën, pasi në banesën e të riut janë gjetur armë gjahu dhe 65 fishekë gjuetie. Ngjarja ka ndodhur në Babrru të Kamzës. Ndërsa policia jep detaje se edhe në banesën tjetër në Sojnik të Gramshit, të arresturit iu gjetën edhe automatik e 31 fishekë luftarakë.
Kujtojmë se vetëm pak ditë më parë opinion public është tronditur nga një krim në familje, ajo e vrasjes së Sabrina Begajt në Fier. Vrasja ndodhi katër ditë më parë në një fshat të Fierit, brenda banesës së babait të 23-vjeçarës së ndjerë, e cila kishte një urdhër-mbrojtje dhe ishte në proces divorci me bashkëshortin që i mori jetën./ A.L Gijotina.com /
