Një mësues është ndaluar në aeroportin e Rinasit me urdhër-arresti nga Policia e Librazhdit, pasi akuzohet për përndjekje dhe ngacmim seksual ndaj dy nxënëseve të mitura. Bëhet fjalë për shtetasin Fatmir Hoxha, 55 vjeç, mësues në shkollën 9-vjeçare të fshatit Rrajcë-Skënderbej të Bashkisë së Prrenjasit.
Burime për mediat bëjnë me dije se ndaj mësuesit kishte kallëzime në Polici nga dy familja të dy nxënëseve 13 dhe 14 vjeçe, të cilat pretendojnë se ai i përndiqte në mënyrë të përsëritur dhe i ngacmonte seksualisht.
Komuniteti i fshatit i kishte kërkuar menjëherë largimin nga puna dhe pas denoncimeve, ai është larguar nga fshati dhe është kapur në aeroport në tentativë për t’u arratisur me avion nga Shqipëria.
Burime bëjnë me dije se nga veprimet e para hetimore ka rezultuar se ngjarja është përsëritur në disa raste gjatë muajve të fundit ç’ka ka shkaktuar shqetësim dhe frikë te e mitura dhe familja e saj.
Discussion about this post