Këtë të mërkurë finalizohet ekstradimi i parë nga Dubai drejt Shqipërisë. Bruno Çobo, i cili akuzohet nga SPAK se në bashkëpunim me 16 persona të tjerë kanë mashtruar mijëra qytetarë italianë duke përfituar miliona euro, pritet të mbërrijë në aeroportin e Rinasit rreth orës 11:00.
Mashtrimi bëhej nëpërmjet nëpërmjet call centerave që kishin ngritur në vendin tonë. Kanë qenë bashkëpunimi dhe marrëveshjet e ministrit të Brendshëm, Taulant Balla me homologët në Dubai që i kanë dhënë dritën jeshile ekstradimit të personave që kërkohen nga drejtësia në Shqipëri dhe fshiheshin prej kohësh atje.
Kjo është hera e parë që në vendin tonë ekstradohet një person i shumë kërkuar e që fshihej në Dubai. Ndërkohë pritet që në vijim të ekstradohen edhe personazhe të tjera të botës së krimit. Ekstradimet janë paralajmëruar edhe më herët nga ministri Balla për t’i dhënë fund arratisjes së personave që kërkohen për krime të rënda dhe fshiheshin në Dubai.
Discussion about this post