EMRI/ Përplasja në Tiranë, 18-vjeçari u godit me thikë sapo doli nga makina, ndërroi jetë rrugës për në spital

Një 18-vjeçar ka ndërruar jetë pas një sherri me thika të ndodhur mes dy grupeve në Tiranë.

Mësohet se 18-vjeçari Aurelio Dervishi është goditur me thikë sapo ka dalë nga automjeti.

Tiranë/Informacion paraprak

Më datë 31.03.2024, rreth orës 21:50, tek rrethi i Shkozës, si pasojë e një konflikti të çastit mes disa shtetasve që lëviznin me dy automjete, (të cilët më pas janë konfliktuar fizikisht me mjete prerëse), është goditur me mjet prerës shtetasi A. D., 18 vjeç.

Si pasojë e dëmtimeve të marra ky shtetas ka ndërruar jetë rrugës për në spital.

Grupi hetimor po punon për kapjen e autorëve të dyshuar dhe sqarimin e rrethanave të ngjarjes.