Një polic me origjinë shqiptare i cili punon në Departamentin e Philadelfias në SHBA, Ervis Onuzi, është qëlluar me armë zjarri në bark e për pasojë ka përfunduar në spital. Mediat amerikanë bëjnë me dije se 28-vjeçari u plagos kur policia po shkëmbente zjarr me disa persona, ku për paojë Onuzi u qëllua të paktën një herë në bark. Ai u dërgua me urgjencë në Spitalin Universitar Temple ku iu nënshtrua një operacioni.
Policia gjithashtu ka gjetur edhe dy gra, të moshës 42 dhe 57 vjeç, me plagë me armë zjarri në rrugët Arrott dhe Griscom, tha policia. Mendohet se dy gratë u goditën nga plumbat si pasojë e shkëmbimit të zjarrit. Nuk dihet ende arsyeja konkrete e ngjarjes së rëndë, ndërsa 28-vjeçari shqiptar, i cili prej 3 vitesh shërbente në SEPTA, ndodhet në Spitalin Universitar Temple nën kujdesin e mjekëve.
Policia tha se personi i armatosur, i cili nuk është identifikuar u gjet i vdekur brenda shtëpisë së tij.
Discussion about this post