Një shtetas 53-vjeçar, është arrestuar ditën e sotme nga policia pasi kapet në flagrancë duke transportuar 3 emigrantë të paligjshëm në Gjirokastër. Policia bën me dijë se bëhet fjalë për shtetasin e quajtur Agron Gjokeja, banues në Fushë Krujë.
Gjatë kontrollit fizik në automjet, policia ka sekuestruar 1 parat celular dhe shuma parash.
Deklarata e policisë:
Finalizohet operacioni policor i koduar “Road Guard 49”.
U kap në flagrancë duke transportuar, kundrejt fitimit, 3 emigrantë, me qëllim kalimin e paligjshëm të kufirit, vihet në pranga 53-vjeçari.
Sekuestrohen automjeti me të cilin transportoheshin emigrantët, 1 aparat celular dhe një shumë parash.
Seksioni për Hetimin e Trafiqeve të Paligjshme, në bashkëpunim me Sektorin e Policisë Rrugore dhe Forcën e Posaçme “Shqiponja”, të DVP Gjirokastër, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, në bazë të informaciove të siguruara në rrugë policore, kanë finalizuar operacionin policor të koduar “Road Guard 49”, si rezultat i të cilit u bë arrestimi në flagrancë i shtetasit:
– A. Gj., 53 vjeç, banues në Fushë Krujë.
Discussion about this post