Një 29 vjeçar, i shpallur në kërkim për drogë, ka rënë në prangat e policisë së Durrësit.
Mësohet se i riu Romarjo Banushi ishte shpallur në kërkim në kuadër të megaoperacionit “Tempulli 2”, pasi dyshohet se është implikuar në veprimtaritë kriminale të prodhimit dhe shitjes së drogës.
Njoftimi i policisë
Si rezultat i veprimeve operacionale të kryera me intensitet nga Policia e Durrësit, në vijim të megaoperacionit “Tempulli 2”, si dhe i hetimeve të ndjekura me metoda proaktive, në bashkëpunim me Prokurorinë e Durrësit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, specialistët e Sektorit për Hetimin e Narkotikëve dhe Trafiqeve të Paligjshme të DVP Durrës ndaluan shtetasin:
Romarjo Banushi, 29 vjeç, banues në Durrës.
Ky shtetas ishte shpallur në kërkim, në kuadër të megaoperacionit “Tempulli 2”, pasi nga hetimet e kryera në bashkëpunim me Prokurorinë, dyshohet se është implikuar në veprimtaritë kriminale të prodhimit dhe shitjes së lëndëve narkotike.
Discussion about this post