EMRI/ Ra në Bunë teksa peshkonte, gjendet trupi i 65-vjeçarit

Trupi i një 65-vjeçari, që u raportua se rrëshqiti në lumin Buna teksa peshkonte mbi dy muaj më parë, u gjet i pajetë.

“Në vijim të informacionit paraprak të dhënë më datë 17.12.2023, për shtetasin kosovar Hashim Syla, 65 vjeç, banues në Mitrovicë, i cili teksa peshkonte në bregun e lumit Buna, dyshohet se aksidentalisht rrëshqiti dhe ra në ujërat e lumit, ju informojmë se si rezultat i kërkimeve të vazhdueshme, në vendin e quajtur ‘Lisna Bori, në fshatin Goricë, Ulqin, është gjetur trupi i pajetë i këtij shtetasi.”, thuhet në njoftimi e policisë.