EMRI/ Rrëzohet papritur në rrugë, ndërron jetë 43-vjeçarja në Tiranë

Një 43 vjeçare ka ndërruar jetë gjatë paradites së sotme në mjediset e Qendrës Shëndetësore numër 1 në kryeqytet.

Sipas burimeve, Marsela Ljarja, është dërguar në këtë qendër nga shërbimi taksi, pasi u rrëzua papritur në rrugë.

E reja nuk shoqërohej nga askush, teksa ka ndërruar jetë në mënyrë të papritur.

Nga informacionet paraprake dyshohet se vdekja u shkaktua si pasojë e një sulmi në zemër.

Pritet ekspertiza mjeko-ligjore për të hedhur më shumë dritë mbi shkaqet e sakta të vdekjes.