Policia kolumbiane ka arrestuar 17 person të kombësive të ndryshme, për trafik droge dhe pastrim parash, mes të cilëve është dhe një shqiptar. Bëhet fjalë për Kliton Degën, i shpallur në kërkim edhe nga autoritetet italiane. Operacionet, u kryen në shtatë qytete të Kolumbisë dhe kulmuan me arrestimin e Degës, 12 kolumbianëve, dy venezuelianëve, një italiani, një dominikani dhe një holandezi.
Këta persona dyshoheshin se koordinonin dërgimin e kokainës në disa shtete përmes anijeve mallrash, të fshehura në ngarkesa ushqimesh, pajisje farmaceutike, materiale ndërtimi e të tjera. Ata po hetoheshin edhe për zhvatje dhe pastrim parash. Në këtë operacion kanë marrë pjesë autoritete kolumbiane, të SHBA-së dhe Paraguajt, si dhe Interpol dhe Europol. Indicia u mor pas vrasjes së Marcelo Peçit, prokurorit paraguaian që kishte hetuar shumë krime.
Drejtuesi kryesor i kësaj organizate ishte Luis Carlos Rocha, i cili u kap në vitin 2017 . Sipas autoriteteve kolumbiane, grupi kishte kapacitetin për të prodhuar dhe dërguar rreth pesë tonë kokainë në muaj në Shtetet e Bashkuara, Afrikë dhe Evropë nga Bolivia, Peruja dhe Kolumbia.
Të arrestuarit në Kolumbi po kërkoheshin në Itali, Peru, Spanjë, Belgjikë, Portugali, Republikën Domenikane, Brazil, Panama dhe Argjentinë, raportoi gjenerali Vargas.
Procesi i kryer nga autoritetet kolumbiane fokusohet “për momentin” në pastrimin e parave dhe aktivitetet e trafikut të drogës që lidhin jo vetëm “Clan Rocha” por edhe grupe kriminale si Red Corona e Republikës Domenikane, grupi Los Bruno nga Peruja. , grupi NL nga Holanda dhe organizata mafioze ‘Ndanghreta nga Italia.
Discussion about this post