Ision Kurtsmalaj është arrestuar në Britaninë e Madhe, pasi i është gjendur një sasi e konsiderueshme kokaine me vete. Shqiptari u ndalua në nëntor të 2022 në “Sauston High Street” nga fqinji i tij i cili ishte polic.
21-vjecari, i cili drejtonte një mjet të tipit “Audi” ngjyrë gri ka qenë duke bërë levizje të dyshimta, gjë e cila ka çuar ndalimin dhe në kontrollin e makinës nga policia. Gjatë një kontrolli të bërë, rezultoi se Kurtsmalaj kishte me vete 25 qese me kokainë të fshehura në brendësinë e deodorantit të tij, shkruajnë mediat britanike.
Sipas policisë i riu ka deklaruar se jetonte në Londër, dhe gjatë një kontrolli në shtëpinë e tij autoritetet kane gjetur edhe 34 qese të tjera me kokainë.
Në përfundim të procesit gjyqësor, Ision Kurtsmalaj është dënuar me 3 vite e dy muaj heqje lirie. Pasi të përfundojë vuajtjen e dënimit, 21-vjecari do të dëbohet nga Britania e Madhe dhe do të kthehet në Shqipëri.
Discussion about this post