Edison Koçi, 33 vjeç ka rënë në prangat e policisë pasi ishte i shpallur në kërkim si person i përfshirë në tentativën për trafikimin e 101 kilogramëve kanabis drejt Turqisë.
Koçi akuzohet se ka bashkëpunuar me dy persona e tjerë të arrestuar tashmë nga Policia, Mico Rexhepisin dhe Arben Markun, të cilët tentuan të trafikonin me kamion drejt Turqisë sasinë e kanabisit.
33-vjeçari nga Xhafzotaj dhe dy të tjerët, me mjetin tip kamion të markës “Scania”, tentuan të trafikonin në drejtim të Turqisë, 101 kg kanabis. Ndërkohë, shkon në 26 numri i të ndaluarve gjatë njëmbëdhjetë fazave të operacionit “Restart”, ndërsa nga ana e Policisë po vijojnë hetimet intensive për dokumentimin e plotë të ngjarjes.
Discussion about this post