Gjatë operacionit të sotëm (26 mars) ku u sekuestruan disa armë zjarri ka qenë e përfshirë edhe një efektive e policisë së burgjeve.
Mësohet se bëhet fjalë për Denisa Halilaj 22-vjeçe, bashkë me të cilën u arrestuan edhe 4 të rinj të tjerë.
Sabian Hasaj, Redi Nika, Denis Hasaj, Denisa Halilaj, Mirjan Hasaj janë arrestuar në kuadër të operacionit policor të koduar “Repishti”, ku ata trafikonin armë nga Shkodra në Tiranë.
Hetimi ka nisur prej disa kohësh dhe këta persona janë mbajtur në vëzhgim.
Pesë personat e arrestuar lëviznin me dy mjete. Në të parin ishin dy persona të cilët kishin rol kqyrjen e rrugës dhe për të parë lëvizjet të patrullave të policisë derisa të mbërrinin nga Shkodra në Tiranë.
Në mjetin e dytë ishin 3 personat e tjetë. Pikërisht në bagazhin e kësaj makine e cila lëvizte në distancë të afërt me mjetin e parë u gjetën edhe 9 armët dhe municionet.
Discussion about this post