Emri/ Tragjike, 36-vjeçari shqiptar humb jetën në aksident në Itali

Një i ri shqiptar ka humbur jetën dje pasdite pas një aksidenti në Appiano, Bolzano në Itali. Aksidenti tragjik ndodhi pas orës 14:00, në autostradë, ku furgoni i drejtuar nga 36-vjeçari, Besmir Sadiku, rezident në Appiano, u përplas me një kamion.

Pjesa e përparme e furgonit u palos e gjitha rreth trupit të Sadikut, duke i hequr çdo mundësi jetese.
Në vendngjarje mbërritën menjëherë ekipet e urgjencës që e nxorën me shpejtësi trupin e shqiptarit, ndërkohë që mbërriti dhe helikopteri për ta transportuar në spital, por 36-vjeçari kishte vdekur në vend pas përplasjes.