Policia e Vlorës ka goditur një tjetër rast të kontrabandimit të mallrave ndërsa ka arrestuar një 34 vjeçar dhe shpallur në kërkim bashkëpunëtoren e tij. 34 vjeçari, Albano Lapshi dhe 29 vjeçarja në kërkim magazinonin mallra të kontrabanduara dhe fshihnin të ardhurat e përfituara nga shitja e tyre.
U sekuestrua mallra (veshje, çanta) të kontrabanduara me vlerë 25 000 euro. Policia ushtroi kontroll në banesën e 29 vjeçares në lagjen “Uji i Ftohtë”, ku gjeti veshje dhe çanta me vlerë 25 000 euro, pa fatura tatimore shoqëruese apo deklarata doganore për origjinën e tyre.
Njoftim i policisë
Finalizohet nga Seksioni për Hetimin e Krimeve Ekonomiko-Financiare, në bashkëpunim me Forcën e Posaçme Operacionale, pas 3 javësh hetime, operacioni policor i koduar “Tranzit”.
Magazinonin mallra të dyshuara të kontrabanduara dhe fshihnin të ardhurat e përfituara nga shitja e tyre, vihet në pranga 34-vjeçari, punohet për kapjen e bashkëpunëtores së tij.
Sekuestrohen mallra (veshje, çanta) të kontrabanduara, me vlerë 25 000 euro.
Specialistët e Seksionit për Hetimin e Krimeve Ekonomiko-Financiare, në vijim të punës për parandalimin, evidentimin dhe goditjen e veprimtarive kriminale në fushën e kontrabandës së mallrave, pas 3 javësh hetime për një rast në këtë fushë, organizuan dhe finalizuan në bashkëpunim me Forcën e Posaçme Operacionale, operacionin policor të koduar “Tranzit”.
Si rezultat i këtij operacioni, u kap dhe u vu në pranga shtetasi A. L., 34 vjeç, banuese në Vlorë, dhe u shpall në kërkim shtetasja E. B., 29 vjeç, banuese në Vlorë.
Gjatë operacionit, shërbimet e Policisë kanë ushtruar kontroll në banesën e shtetases E. B., në lagjen “Uji i Ftohtë”, ku kanë gjetur dhe sekuestruar në cilësinë
Discussion about this post