Një tjetër rast i transportit të emigrantëve të paligjshëm është konstatuar mbrëmjen e së martës së qytetin e Korçës. Policia njofton se në pranga është vënë një 35-vjeçar. Bëhet fjalë konkretisht për të arrestuarin me iniciale E. Sh., 35 vjeç, banues në Pogradec.
Për të cilin policia jep detaje se i riu është kapur në aksin rrugor Pogradec-Qafë Thanë, duke transportuar me mjetin tip furgon të markës “Benz”, emigrantë të paligjshëm, të cilëve kundrejt shpërblimit iu kishte premtuar kalimin e tyre drejt vendeve të BE-së. Gjatë shoqërimit për në Komisariatin e Policisë, emigrantët e paligjshëm duke dashur të dilnin nga furgoni kanë hapur derën e tij me forcë dhe kanë mundur të largohen duke u shpërndarë nëpër qytet.
Shërbimet e Komisariatit të Policisë Pogradec, menjëherë u angazhuan për gjetjen e tyre, ku 21 emigrantë të paligjshëm aktualisht ndodhen në ambientet e Komisariatit për procedurat e mëtejshme. Materialet i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve” kryer në bashkëpunim
