Një 32- vjeçar ka rënë në prangat e policisë së Kavajës pasi është kapur me drogë dhe me municion luftarak.
Në kuadër të këtij aksioni është arrestuar Shkëlqim Sokoli dhe janë proceduar penalisht edhe dy persona për moskallëzim të krimit.
Policia njofton se gjatë kontrollit në automjet dhe të banesës së Shkëlqim Sokoli shë rbimet e Policisë gjetën municion luftarak, lëndë narkotike kokainë, kanabis, një armë e ftohtë(thikë) një palë pranga policie të cilat u sekuestruan në cilësinë e provës materiale.
Gjithashtu policia jep detaje se 32-vjeçari rezulton me precedent të mëparshëm penal në fushën e vjedhjes.
Ndërsa tashmë pritet të përballet me akuzën për veprat penale “Mbajtja pa leje e armëve dhe municionit luftarak”,” Prodhimi dhe shitja e narkotikëve”, “Mbajtje pa leje e armëve të ftohta” dhe “Mbajtja pa leje e uniformës”.
