Një shqiptar i cili punonte si kujdestar në “shtëpie bari” në Britaninë e Madhe, është qëlluar në këmbë nga një bandë rivale, që kishte shkuar për të vjedhur sasinë e drogës. Anduel Dorti, kujdesej për 340 bimë kanabisi, me një vlerë prej 250 mijë eurosh. Ka qenë gjyqtarja që është marrë me këtë çështje, që ka sqaruar rrethanat e ngjarjes.
“Po pyesni se përse ka marrë plagë në këmbë? E thjeshtë. Një grup rival ka shkuar në shtëpinë ku Dorti kujdesej për bimët narkotike dhe kanë tentuar t’ia marrin. Por në këtë moment, ai është përplasur fizikisht me anëtarët e bandës. Njëri prej rivalëve më pas, ka nxjerrë armën dhe ka qëlluar në këmbë shqiptarin” – është shprehur gjyqtarja.
Dorti është mjekuar fillimisht në Spitalin e Sheffield, duke mos treguar asnjë detaj për policinë. Ai më vonë u deklarua fajtor dhe ndaj tij nuk rezultonte asnjë precedent i mëparshëm.
“Ai kujdesej për bimët, jetonte në atë ambient, por nuk kishte lidhje me shpërndarjen e drogës. Ai erdhi në këtë Britani për të punuar në ndërtim, të fitonte para dhe t’i dërgonte në Shqipëri” – tha më tej gjyqtarja.
Discussion about this post