Është arrestuar sot Ndriçim Sokoli, nga Kavaja. 35-vjeçari ka ushtruar dhunë fizike ndaj nënës së tij 75-vjeçare, e cila për pasojë të dhunimit ka humbur jetën.
Dyshohet se i riu vuan nga probleme të shëndetit mendor.
Policia ka zbardhur shkakun e vdekjes së një të moshuare, ngjarje e cila fillimisht u raportua si aksidentale.
Ekzepertiza mjekoligjore ka dalë në konkluzion se 75 vjeçares i janë gjetur brinjë të thyera dhe hematomë në mushkëri.
Njoftimi i policisë:
Në vijim të veprimeve të thelluara hetimore të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, për zbardhjen e shkakut të humbjes së jetës së shtetases I. S., 75 vjeçe, e cila u gjet e pajetë më datë 10.02.2024, në banesën ku jetonte me djalin e saj, sqarojmë se:
Në momentet e para, nga këqyrja e jashtme paraprake e trupit të 75-vjeçares, nuk janë konstatuar shenja dhune dhe ngjarja është raportuar si vdekje natyrale.
Pas kryerjes së hetimeve të thelluara dhe ekspertizës mjeko-ligjore, është konstatuar se shtetasja I. S. kishte disa orë që kishte humbur jetën.
Gjithashtu, rezultoi se djali i saj, shtetasi N. S., i cili vuan nga sëmundje mendore, kishte ushtruar dhunë fizike ndaj 75-vjeçares, dhunë e cila i kishte shkaktuar dëmtime që kishin sjellë si pasojë humbjen e jetës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Discussion about this post