Emri+Foto/ Ja kush është 18-vjeçari që dyshohet për plagosjen e një 16-vjeçari

Armir Hasa, 18-vjeç, dyshohet se është autori i plagosjes me armë zjarri të një 16-vjeçari, ngjarje që ka ndodhur pasditen e së mërkurës në Kamëz.

Sipas policisë, pas një konflikti për motive të dobëta, 18-vjeçari ka qëlluar me armë zjarri 16-vjeçarin, i cili ka mbetur i plagosur në këmbë, ndërsa ndodhet në spital, nën kujdesin e mjekëve.

“A.H., 18 vjeç, gjatë një konflikti për motive të dobëta, ditën e sotme, rreth orës 16:10, ka plagosur me armë zjarri në këmbë, një 16-vjeçar. 16-vjeçari si pasojë është dëmtuar dhe ndodhet në spital, nën kujdesin e mjekëve. Vijon puna për kapjen e autorit të dyshuar”, njoftoi më herët policia.