Emri+Foto/ Ngjarja në Athinë, ja kush është ‘koka’ e bandës kriminale që u vra mbrëmë

1 muaj më parë

Dalin të tjera detaje lidhur me ngjarjen e mbrëmjen e djeshme në Athinë, ku pjesëtarë të dy familjeve që merreshin me drogë. Mësohet se shqiptari Adil Tefa nga Korça është ‘koka’ e bandës kriminale në Athinë, i cili mbeti i vdekur në fund bashkë me dy të tjerë pas një përplasjeje me një bandë tjetër. Sipas informacionve, Tefa drejtonte makinën tip “Mercedes” dhe qëlloi  personin me motoçikletë. Më pas babai i personit me motoçikletë qe ishte nga pas e qëlloi Tefën dhe e vrau.

Sipas burimeve policore, çdo gjë nisi në lagjen “Kato Patisia” të Athinës, në kohën që persona të cilët udhëtonin me një automjet tip “Mercedes” me targa shqiptare, u përleshën me drejtuesin e një motorçiklete i cili mbeti i plagosur rëndë, por gjatë orëve të para të mëngjesit humbi jetën në spital. Në vend u gjend i ati i drejtuesit të morçikletës, i cili ndoqi “Mercedesin” me një automjet tip “Audi” dhe qëlloi me armë duke e lënë të vdekur në vend. Një tjetër person që ndodhej në “Mercedes” tentoi të largohet me vrap, por u përplas nga një automjet që po kalonte rastësisht në rrugë dhe mbeti i plagosur, ndërsa një person tjetër që ndodhej po në të njëjtën makinë mundi të dalë nga makina dhe nën kërcënimin e armës grabiti një makinë tip “Toyota”.

E mbërritur në vend ngjarje, policia nisi të kërkojë “Toyotën” dhe e gjeti atë jashtë një bari në lagjen “Ajos Anargjiros”.

Policia i bëri thirrje të dorëzohet, por i riu hapi zjarr duke plagosur dy policë. Prej përleshjes së armatosur mbeti i  vrarë edhe autori. Burime thonë se tre viktimat e ngjarjes janë shqiptarë, por ende policia nuk ka dhënë emrat. Hetimet tregojnë se grupi i armatosur është sulmuar në “Kato Patisia” prej rivalëve, në momentin që po përgatiste të sulmonte barin në lagjen “Ajo Anargjirus”.

Deri tani është një grua e arrestuar. Ndodhej në “Mercedesin” e njërit prej autorëve ndërsa janë në kërkim edhe katër të tjerë. Po ashtu janë tre të plagosur në spital, dy policë dhe një shtetas shqiptar që në tentativë për t’u larguar, u përplas nga një makinë. Sipas informacioneve, në sherr janë përfshirë banda që merren me trafik droge.

Policia po punon për zbardhjen e rrethanave të ngjarjes.

 

Ora 10:00

Vrasja e tre shqiptarëve në Greqi, mediat: Përplasje mes dy familjeve që merren me drogë

Janë  zbardhur detaje të reja nga përleshja e përgjakshme në Athinë mbrëmjen e djeshme. Sipas mediave greke, sherri ka ndodhur mes dy familjeve shqiptare të cilat ishin shpërndarës droge. Në fakt, disa prej tyre janë kriminelë me precedentë të mëparshëm penalë.  Gjithçka nisi mbrëmjen e të shtunës pak pas orës 21:00 në zonën e Kato Patisja në kryqëzimin e rrugëve Georgiou Nazou dhe Kourtidou. Një automjet që drejtohej nga një grua dhe një motoçikletë që drejtohej nga një i ri u përplasën me njëri tjetrin dhe kjo solli debat mes palëve.

Gjatë përplasjes, pasagjeri i automjetit me origjinë shqiptare ka nxjerrë armën duke qëlluar në drejtim të drejtuesit të motoçikletës. Për pasojë ky i fundit mbeti i plagosur rëndë. Mirëpo pak metra më tutje brenda një automjeti tip Audi po udhëtonte babai i drejtuesit të motoçikletës i cili doli nga makina duke qëlluar në drejtim të shqiptarit. Ky i fundit hapi zjarr ndaj tij duke e lënë të vdekur.

Bashkë me viktimën në automjet ndodhej edhe një person tjetër i cili në përpjekje për të shpëtuar doli me vrap në rrugë por u përplas nga automjet që po kalonte me shpejtësi. Më vonë mjekët konstatuan në spital se ai kishte marrë edhe një plumb që me gjasa ishte qitur nga arma e shqiptarit gjatë shkëmbimit të zjarrit.

Pas këtij episodi shqiptari është larguar duke vjedhur një automjet nën kërcënimin e armës duke u drejtuar drejt Agioi Anargyrou, ku tentoi të grabiste një pikë karburanti në zonë. Ai u përball me policinë në rrugën “Demokracia” ku u vra në shkëmbim zjarri. Ndërkohë nga të shtënat mbetën të plagosur dy efektivë policie, njëri prej tyre në këmbë dhe tjetri në gjoks.

 

Ora 09:46

Vrasja në Athinë/ Vdes në spital njëri nga të plagosurit, shkon në tre numri i viktimave

Ka ndërruar jetë në spital një nga personat që mbeti i plagosur nga përplasjet e njëpasnjëshme me armë zjarri që sollën dy viktima mbrëmjen e djeshme në rrugët e Athinës. Sipas mediave greke, mëngjesin e sotëm ka ndërruar jetë në spital personi që u aksidentua me makinë gjatë përleshjes në Patisia në tentativë për t’u arratisur nga vendi i ngjarjes.

Siç u konstatua nga mjekët e spitalit në Patisia, ai kishte edhe një plagë me armë zjarri. Hetuesit kanë dyshime se ai është qëlluar nga banditi shqiptar para se ky i fundit të eliminohej gjatë shkëmbimit të zjarrit me policinë greke.

Si ndodhi ngjarja

Gjithçka nisi mbrëmjen e të shtunës pak pas orës 21:00 në zonën e Kato Patisja në kryqëzimin e rrugëve Georgiou Nazou dhe Kourtidou. Një automjet që drejtohej nga një grua dhe një motoçikletë që drejtohej nga një i ri u përplasën me njëri tjetrin dhe kjo solli debat mes palëve.

Gjatë përplasjes, pasagjeri i automjetit me origjinë shqiptare ka nxjerrë armën duke qëlluar në drejtim të drejtuesit të motoçikletës. Për pasojë ky i fundit mbeti i plagosur rëndë. Mirëpo pak metra më tutje brenda një automjeti tip Audi po udhëtonte babai i drejtuesit të motoçikletës i cili doli nga makina duke qëlluar në drejtim të shqiptarit. Ky i fundit hapi zjarr ndaj tij duke e lënë të vdekur.

Bashkë me viktimën në automjet ndodhej edhe një person tjetër i cili në përpjekje për të shpëtuar doli me vrap në rrugë por u përplas nga automjet që po kalonte me shpejtësi. Më vonë mjekët konstatuan në spital se ai kishte marrë edhe një plumb që me gjasa ishte qitur nga arma e shqiptarit gjatë shkëmbimit të zjarrit.

Pas këtij episodi shqiptari është larguar duke vjedhur një automjet nën kërcënimin e armës duke u drejtuar drejt Agioi Anargyrou, ku tentoi të grabiste një pikë karburanti në zonë. Ai u përball me policinë në rrugën “Demokracia” ku u vra në shkëmbim zjarri.

Ndërkohë nga të shtënat mbetën të plagosur dy efektivë policie, njëri prej tyre në këmbë dhe tjetri në gjoks.

 

Ora 08:51

Detaje nga ngjarja në Athinë, dy shqiptarët e vrarë me precedent për trafik droge

Mbrëmjen e djeshme Athina u përgjak nga të shtënat me armë zjarri në dy lagje të ndryshme të saj që lanë pas 2 të vdekur dhe 3 të plagosur, mes të cilëve dy police. Mësohet se dy shqiptarët e vrarë janë me inicialet J. T dhe G. A, rreth 30-vjec, të dy me precedentë penale në fushën e narkotikëve. Burimet më të fundit bëjnë me dije se ngjarja ka nisur fillimisht në rrugën “Krotidou” ne lagjen “Kato Patisia” ku nga një automjet “Mercedes- Benz” është hapur zjarr ndaj drejtuesit të një motorri, duke e plagosur rëndë këtë të fundit.

Pas motorit ndodhej një automjet tip “Audi”, brenda të cilit ndodheshin dy persona, mes të cilëve në timon edhe babai i viktimës. Duke parë ngjarjen, ky i fundit ka hapur zjarr ndaj makinës “Mercedes-Benz” duke lënë të vdekur atentatorin e djalit. Nga mjeti “Audi” ka dale pasagjeri dhe në tentativë për t’u larguar me vrap për t’u fshehur është goditur nga një automjet në lëvizje duke mbetur i plagosur. Një tjetër person ndërkohë ka dale nga automjeti tip “Mercedes-Benz” dhe me kërcenimin e një arme ka ndaluar një mjet në rruge duke e grabitur e më pas ka ikur me të. Ai është drejtuar për në lagjen “Agion Anargiron” ku burimet flasin se ka tentuar të grabisë një karburant dhe një market. Me pas ka dalë në rruge dhe ka ndaluat një patrulle policie duke e menduar për taksi. Sapo ka pare policet ka hapur zjarr ndaj tyre duke i plagosur ndërkohë që edhe policet janë kundërpergjigjur duke e vrare shqiptarin.

Mësohet se dy shqiptaret e vrare, të cilet rezultojnë shoke me njeri tjetrin pasi te dy ndodheshin ne automjetin “Mercedes-Benz”, rezultojnë në arrestuar për çështje droge në maj të vitit të kaluar në Athinë.

Ora 08:08

Zbardhen detajet e ngjarjes në Athinë, ja si ndodhi përplasja me policinë dhe vrasja e dy shqiptarëve

Një ngjarje e rëndë si nëpër filma ka ndodhur orët e vona të mbrëmjes së djeshme në Kato Patisia të Athinës, ku kanë mbetur të vdekur dy shqiptarë. Mediat greke bëjnë me dije se sherri ka nisur për arsye banale mes shqiptarëve dhe ka përfunduar me dy viktima, dhe tre të plagosur, mes tyre dhe dy efektivë të policisë.

Sherri ka nisur mes shqiptarëve, ku si fillim janë përplasur me makinë, më pas njëri ka nxjerrë armën dhe ka qëlluar bashkëkombësin e tij, duke i shkaktuar vdekjen. Më pas autori ka grabitur një makinë dhe ka tentuar të largohet nga vendngjarja me mjetin e vjedhur.

Si ndodhi përleshja?

Në Kato Patisia ka pasur një sherr mes shqiptarëve. Njëri prej tyre ka nxjerrë armën dhe ka qëlluar bashkëkombësin e tij. I plagosur lehtë ka mbetur edhe pasagjeri, i cili është përplasur nga një automjet teksa ka tentuar të largohet nga vendi i ngjarjes për t’i shpëtuar plumbave.

Më pas në orën 23:00 të mbrëmjes ka ndodhur një grabitje me armë në një pikë karburanti në zonën e Agioi Anargyro, ngjarje që sipas mediave greke lidhet me autorin në Kato Patisia.

Policia ka vënë re autorin dhe mjetin e grabitur dhe është vënë në ndjekje të shqiptarit. Shqiptari, identiteti i të cilit nuk dihet, për t’i shpëtuar prangave ka qëlluar me armë policinë.

Punonjësit e policisë në përpjekje për të arrestua shqiptari, e kanë qëlluar me armë zjarri, si pasojë ka mbetur i vdekur. Nga shkëmbimi i zjarrit kanë mbetur të plagosur edhe dy efektivë policie, njëri ka marrë plagë në këmbë dhe tjetri në gjoks.

 

Ora 23:44

Kërcet arma në Athinë, vriten dy shqiptarë

Një ngjarje e rëndë ka ndodhur mbrëmjen e sotme në Athinë. Mësohet se një shqiptar ka nxjerrë papritur armën dhe ka qëlluar një tjetër, të cilin në fund e ka vrarë.

Protothema shkruan se më pas, autori i sulmit ka zbritur nga makina e tij dhe duke tentuar të arratiset, ka vjedhur një automjet të markës Yaris dhe është nisur drejt Agioi Anargyrou.

Me të mbërritur atje, ai u drejtua në një pikë karburanti në këmbë dhe u përplas me oficerët e policisë të cilët i qëlloi. Policia iu përgjigj të shtënave dhe në fund burri ra i vdekur.

 

 

Të ngjashme