Demokrati Eno Bozdo ka folur rreth krizës që ka kapluar së fundmi Partinë Demokratike. Sipas Bozdos, Lulzim Basha kishte detyrën të transformonte PD-në nga një front antikomunist, por që nuk diti ta bënte këtë gjë.
“Ka dy lloje analizash për këtë krizë. E para që zihen demokratët kush ka të drejtë Berisha, Basha apo një palë e tretë që s’është me asnjërën palë. Kjo është analizë e kësaj kohe. Por ka një analizë tjetër që ka lidhje me rolin e PD-së në shoqërinë shqiptare. Dy etapa. E para ka qenë e themeluesve të PD-së, Berishës dhe të tjerë. Berisha pati meritën që edhe pas një rënie katastrofike të vitit 97 por dhe ta ringrinte. Në vitin 2004-2005 pati një bashkim i të gjitha forcave. Me mbylljen e ciklit të Berishës, lidershipi i kaloi zotit Basha. Ai duhet të bënte transformimin e kësaj partie nga një front antikomunist në parti popullore te qendrës së djathtë. Nuk dinte ta bënte. Nuk është mëkat të mos dish”, u shpreh ai.
Bozdo tha se Basha as këshillat që iu dhanë nuk i ndoqi ndonjëherë, kështu që veprimet e ti sollën pasojat që i vuajnë të gjithë sot. Sakaq, ai tha se demokratët po presin rikthimin e Berishës si një shpresë për t’iu rikthyer ditëve kur PD ishte në pozicion të mirë, por nga na tjetër ai ka problemet e tij personale. Sipas Bozdos ende nuk dihet se ca i pret demokratët pas dy Kuvendeve me këto dy personazhe në krye, por situata nuk duket fort pozitive. “Edhe me këshillat e atyre që e deshën për ta transformuar në kauza, edhe këto nuk i ndoqi ndonjëherë. Miks mes mosdijes dhe mosdashjes. Janë bërë 30 vite dhe PD i rikthehet figurës së Berishës si i vetmi lider. Tragjikja është se i rikthehemi një personi që duam apo jo me të cilin demokratët kanë njohur ditë të mira. Ndodhet në krizë të thellë identiteti”, tha Bozdo, duke theksuar se Basha nuk duhet ta vazhdojë më këtë lojë që nuk po e nxjerrë asgjëkundi.
Discussion about this post