Trajneri i kombëtares së Spanjës, Luis Enrike ka zbutur tensionit në vigjilje të ndeshjes me Kosovën ku mediat iberike kanë nënvizuar se kombëtaren e pret një klime e nxehtë në Prishtinë.
“Kemi një atmosferë perfektë për të luajtur dhe qëndrojmë larg politikës. E vetmja gjë që më shqetëson është të mposht rivalin.
Duhet të provojmë të fitojmë çdo ndeshje, por çdo herë është më e vështirë. Mënyra që kemi për t’i bërë presion Suedisë është të fitojmë ndeshjet tona, por kjo me Kosovën do të jetë ndër më të komplikuarat, ndër më të vështirat dhe e githë bota do ta shohë. Kosova do të ketë mbështetjen e publikut, luan mirë dhe ka pretendimet e saj. I bëjnë gjërat mirë dhe meritojnë më shumë pikë se sa kanë.
Ka komponentë në fazën play-off që na bëjnë të kërkojmë sa më shumë golin, por e para është të fitojmë ndeshjen. Varemi plotësisht nga vetja për klasifikimin, edhe më shumë se sa fakti që mund të mos jemi të parët në grup”, tha Luis Enrike para gazetarëve.
