Ishte skuadra e Marokut ajo që eliminoi Spanjën në fazën e çerekfinaleve në Kupën e Botës. Pas kësaj humbjeje i erdhi fundi dhe periudhës së Luis Enrique në krye të “demave të kuq”. Ish-tekniku i Barcelonës ka folur sërish për kampionatin, duke thënë se shpreson të fitojë Maroku. 52-vjeçari shtoi se nuk dëshiron të shohë finalen “deja-vu” të Rusi 2018, Kroaci-Francë.
“Kritikat? Unë iu them gjithnjë lojtarëve të mi se ata që kritikojnë, janë edhe admiruesit e tyre më të mëdhenj. Janë persona që flasin pas një ekrani dhe shfryhen aty. Unë besoj se ata njerëz na duan, por nuk e kuptojnë dëmin që shkaktojnë.
Finalja e Botërorit? Unë nuk dua një përsëritje të Kroaci-Francë. Shpresoj që turneun ta fitoj Maroku, ndjej që Spanja humbi një shans të madh sepse kishim një grup shumë të mirë futbollistësh. Shoh skuadrat që janë në gjysmëfinale, dhe kuptoj që askush nuk është më i mirë se ne, më vjen keq për futbollistët.
Jemi përpjekur që t’i bindnim lojtarët që kishin një mundësi të shkëlqyer për të fituar dhe në fazën e parë treguam një nivel të mirë. Pastaj kundër Marokut ishte e vështirë të shënoje gol, por ishte faji im”, tha Luis Enrique.
Discussion about this post