Entet publike abuzojnë gjithmonë e më shumë me kontratat koncesionare dhe kjo ka sjellë dëme të mëdha në buxhetin e shtetit. Aferat korruptive me tenderët i janë vënë në dukje qeverisë edhe organizatat ndërkombëtarë, ndërkohë herë pas herë ne kemi publikuar tenderët me probleme dhe që jepen për interesa personave të institucioneve publike dhe bashkëpunëtoreve privat. Rreziku nga tenderët sa vjen dhe zgjerohet, abuzime të shumta janë regjistruar edhe gjatë këtij viti, për këtë arsye së fundmi Agjencia e Prokurimit Publik ka nxjerrë një njoftim publik, përmes të cilit iu kërkon enteve publike të zbatojnë kontratat.
Agjencia e Prokurimeve evidenton se institucionet kanë toleruar kalimin e afateve të kontratës nga privatët duke i justifikuar ato me problematika të kota. Ndërsa Agjencia thekson se shkak për ngadalësimin e punimeve mund të bëhen; Covid-19, mos vënia në dispozicion e lejeve të ndërtimit, ngricat, reshet dhe probleme të tjera klimatike.
Sakaq, një tjetër problematik që evidenton APP është mungesa e informacionit në kontratë. Sipas Agjencisë, në shumë raste janë shpallur kompani fituese edhe ato që kanë pasur mungesë dokumentacionin dhe informacionesh në nënshkrimin e kontratës. “APP sjellë në vëmendje se formulari standard i zbatimit të kontratës, nga na përmbajtjesorë duhet të jetë i plotë, pa mangësi dhe duhet të ketë të gjithë elementët e nevojshme që kërkohen”, thuhet në njoftim. Në përfundim, APP përcakton se gjatë këtij viti rreziku nga tenderët e parregullt është klasifikuar në nivelin e lartë, për këtë arsye i tërheq vëmendje të gjithë institucioneve të tregohen korrekte.
E.H/gijotina.com/
Discussion about this post