Ditën e sotme është mbajtur seanca e radhës për të pandehurit e dosjes “Plumbi i Artë” me dëshmitë e të penduarit të drejtësisë, Nuredin Dumani, ku ka patur tensione dhe debate të forta.
Një prej të akuzuarve, Enver Diva ka akuzuar Nuredin Dumanin se është paguar nga dy biznesmenë dhe dy deputetë për të vrarë Talo Çelën, por i penduari i SPAK e ka mohuar këtë deklaratë.
Dumani u shpreh: “Unë për vrasjen e vëllait të Talos nuk mora asnjë lek, sepse u përfshiva për hakmarrje, pasi u vra Klevis Kapllani, lekët për vrasjen e Bujar Çelës i kanë sjellë të nesërmen në Vorë, me një makinë, pagoi Erjon Alibej”.
Enver Diva u shpreh se takoi në një rast dy biznesmenë dhe dy deputetë në lokal, që i dhanë foton e Talo Çelës dhe një çantë me lekë dhe i thanë e duam të vrarë.
“Nuredin Dumani takoi 2 biznesmenë dhe 2 deputetë në një lokal, Nuredin Dumanit i dhanë foton e Talo Çelës dhe një çantë me lekë dhe i thanë ‘e duam të vrarë’, pse nuk i tregon ky këto…?!”, tha ai.
Por Nuredin Dumani kundërshtoi në sallë: “Nuk është e vërtetë kjo”, reagoi i penduari.
Nuk dihet se sa e vërtetë është deklarata e Enver Divës ndaj Nuredin Dumanit, pasi është një akuzë e fortë që prek edhe politikën.
Discussion about this post