Epidemiologët amerikanë tregojnë se për t’u mbrojtur nga varianti i ri “Omicron” njerëzit duhet të shqyrtojnë masat sikurse për çdo variant tjetër i COVID-19. Ata tregojnë se hapi i parë është të vaksinoheni , të merrni dozën shtesë si dhe të rritni masat e tjera paraprake si mbajtja e maskës dhe shmangia e turmave. “Delta është rreziku real për momentin. “Omicron” është një kërcënim i pasigurt”, tha Francis Collins drejtor i Instituteve Kombëtare për Shëndetin në SHBA.
Pavarësisht nga varianti i koronavirusit, Dr. Julie Vaishampayan nga Shoqata e Sëmundjeve Infektive në SHBA tha se ne e dimë se çfarë të bëjmë dhe duhet të veprojmë sa më parë, duke përmendur si nevojë kryesore ruajtjen e higjienës dhe distancimin. “Do të duhen disa javë për të mësuar aspektet kryesore rreth këtij varianti të fundit, duke përfshirë nëse është më ngjitës, shkakton sëmundje më të rënda ose shmang imunitetin .Ndërkohë, ajo që duhet të bëjmë është të shtojmë më shumë shtresa mbrojtjeje”, thotë ai.
Doza përforcuese e vaksinës është një tjetër sugjerim i tyre. Sipas tyre, doza e shtuar shkakton një rritje të madhe në antitrupat që luftojnë viruset. “Përveç vendosjes së maskës, shmangies së turmave dhe përmirësimit të ventilimit, testimi është një tjetër hap mbrojtës. Kjo rekomandohet për këdo që ka simptoma të COVID-19 ose ka qenë potencialisht i ekspozuar ndaj virusit. Por gjithashtu mund të ndihmojë në ofrimin e sigurisë përpara mbledhjeve të festave, edhe nëse të gjithë pjesëmarrësit janë vaksinuar, thotë Vaishampayan.
Discussion about this post