Për mjekun e njohur Erion Dasho programi i ri i qeverisë për shëndetësinë është i ngjashëm me atë Afrikan. Përmes një postimi në Facebook ai shkruan se programi u quajtur “One Health, është i gjithi një propagandë dhe nuk ka qëllim të vërtetë që t’iu ofrojë shërbim shëndetësor shqiptarëve kudo që ndodhen, por ka si qëllim të favorizojë disa mjekë dhe mjekimet të behën në fugon, me të njëjtat kushte si në Afrikë.
Dasho thekson se, ky program është i stisur që të favorizojë të përkëdhelurit e qeverisë dhe të degradojë sistemin shëndetësorë në Shqipëri.
“Nuk e di se si ja kanë paraqitur “kompetentët” konceptin “One Health” kryeministrit Rama dhe ministres Manastirliu, por programi që ata paraqitën për miratim e sheh “One Health” [sic]: “…si një politikë e re, inovative, e cila do të integrohet brenda një kuadri të gjerë e koherent politikash, përfshirë ato ekonomike, financiare, teknologjike, sociale por edhe politikën e jashtme.”!!!
Veçanërisht fjala e fundit për lidhjen e “One Health” me politikën e jashtme, të kujton batutën e famshme të filmit Kapedani: “Nga mu hodhe kështu more pizeveng! Nga ndërzimi artificial tek amerikanët në Vietnam!”.
“One Health” jo si një program shëndetësor në një fushë të caktuar të shëndetit publik, por si një i ashtuquajtur “strategji” dhe afrikanizimi i kujdesit shëndetësor nëpërmjet mjekut që ofron kujdes shëndetësor në furgon tregon edhe njëherë se shëndetësia e Boratit dhe e kimistëve dhe klarinetistëve të vet është një shëndetësi pa vizion, pa strategji, pa program dhe pa të ardhme”, shkruan Dasho.
Por, sipas Dashos, qeveria jonë nuk e ka problem pasi me kohë janë mësuar dhe lejuar ta shkelin kodin e etikës, për të cilin betohen ditën e emërimit. “Por këtë Borati dhe boratët nuk e kanë problem. Kodi i etikës parashikon që ministrat nuk lejohen të shkojnë për dreka dhe darka jashtë shtetit. Kodi nuk ndalon trajtimin e tyre dhe të familjarëve të tyre në klinikat më të mira dhe më të shtrenjta, kudo qofshin ato…
Sa për pacientët shqiptarë…
Në dorë të veterinerëve të “One Health” apo të spitaleve-furgon”, shprehet ai.
Mjeku thotë se e vetmja rrugë shpëtimi është që qytetarët të zgjohen dhe të mos lejojnë të trajtohen si kavje.
E.H/ gijotina.com/
