Një tërmet i fuqishëm me magnitudë 7.4 ballë të shkallës Rihter ka goditur këtë të premte bregun perëndimor të Meksikës, duke shkaktuar panik te banorët dhe duke vënë në alarm autoritetet.
Sipas Shërbimit Gjeologjik të Shteteve të Bashkuara (USGS), epiqendra e tërmetit ishte rreth 71 kilometra në jugperëndim të Puerto Madero, në shtetin Chiapas, me një thellësi prej afro 10 kilometrash.
Lëkundjet e forta u ndjenë edhe në Guatemalën fqinje, ndërsa autoritetet kanë lëshuar një paralajmërim për cunami për zonat bregdetare të rrezikuara.
Deri në këto momente nuk raportohen viktima, por tërmeti është cilësuar si shumë i fuqishëm dhe ekziston frika për dëme materiale në zonat e prekura.
Shërbimet e emergjencës janë vendosur në gatishmëri dhe po monitorojnë situatën, ndërsa autoritetet u kanë bërë thirrje qytetarëve të ndjekin udhëzimet zyrtare dhe të shmangin zonat me rrezik deri në një njoftim të dytë.
Discussion about this post