Partia Popullore Evropiane (EPP) ka reaguar lidhur me protestat studentore në Shqipëri dhe dhunën policore. EPP i ka dhënë një ‘shuplakë’ Edi Ramës teksa thekson se në demokraci nuk ka vend për dhunë.
EPP thekson më tej se çdo pretendim për përdorim të tepruar, të paligjshëm dhe joproporcional të forcës duhet të hetohet menjëherë, në mënyrë të plotë dhe të pavarur, ndërsa organet e zbatimit të ligjit duhet të veprojnë në çdo kohë në mënyrë proporcionale.
EPP bën thirrje që zëri i të rinjve të dëgjohet dhe e drejta e tyre për të protestuar në mënyrë paqësore duhet të mbrohet.
Reagimi i plotë:
E drejta për të protestuar në mënyrë paqësore duhet të respektohet plotësisht.
Çdo pretendim për përdorim të tepruar, të paligjshëm dhe joproporcional të forcës duhet të hetohet menjëherë, në mënyrë të plotë dhe të pavarur, ndërsa organet e zbatimit të ligjit duhet të veprojnë në çdo kohë në mënyrë proporcionale.
E ardhmja e Shqipërisë qëndron në një rrugë demokratike, të begatë dhe evropiane, me një qeverisje që mban përgjegjësi, sundim të ligjit, luftë kundër korrupsionit dhe një të ardhme me mundësi për të gjithë në vendin e tyre.
Dhuna e paligjshme dhe sulmet nga të gjitha palët, veçanërisht ato kundër pronës dhe integritetit fizik të personave, nuk kanë vend në një demokraci. Tensionet aktuale duhet të trajtohen përmes dialogut, uljes së tensioneve dhe angazhimit demokratik.
Zëri i të rinjve duhet të dëgjohet dhe e drejta e tyre për të protestuar në mënyrë paqësore duhet të mbrohet.
Discussion about this post