Era e fortë dhe moti i paqëndrueshëm ka kapluar vendin tonë ditën e sotme. Pas rrëzimit të bazës strukturore të kalçetos në Orikum, era e fortë ka hedhur në tokë edhe konstruksioni metalik të tribunës së stadiumit “Loni Papuçiu” në Fier.
Përgjatë gjithë orëve të pasdites qyteti i Fierit është shoqëruar nga një mot me erë të fortë, deri në 50 km në orë, duke sjellë edhe dëme në mjediset e stadiumit. Fatmirësisht nuk ka pasur të lënduar në njerëz, por vetëm dëme materiale.
Për shkak të erërave të forta janë krijuar probleme në rrjetin elektrik, ku janë dëmtuar disa linja të OSHEE, , kryesisht në zonat Patos ,Roskovec Mallakaster.
Stuhitë sot kanë shkaktuar 2 persona të plagosur në Berat dhe dëme të konsiderueshme në Vlorë. Pemë e çati të rrëzuara, raportohen në disa zona të qytetit bregdetar të Vlorës ku kanë mbizotëruar erëra të forta dhe stuhi, duke shkaktuar panik të qytetarët.
Discussion about this post