Moti i keq me erë të fortë që ka përfshirë juglindjen përgjatë ditëve të fundit ka sjellë rrëzimin e shtyllave të tensionit të lartë përgjatë aksit nacional Korçë-Bilisht.
Për pasojë dhjetëra fshatra në 3 bashkitë Korçë, Maliq dhe Devoll kanë mbetur pa energji elektrike. Pa energji kanë mbetur dhe 30 fshatra në Maliq dhe 11 tjera në zonat malore të Pogradecit.
Burime zyrtare bëjnë me dije se në zonën mes Neviçishtit dhe Belortasë janë rrëzuar 10 shtylla. Prej dy ditësh në terren për riparimin e këtyre defekteve janë duke punuar ekipe specialistësh nga OSHEE dhe OST nga Tirana, Elbasani dhe Korça. Puna e tyre është bërë akoma më e vështirë për shkak të erërave të forta dhe temperaturave të ulëta.
Discussion about this post