Era e fortë dhe reshjet e dendura kanë sjellë probleme gjatë natës në zonën Dukat-Fushë. Për shkak të erës së fortë, janë rrëzuar pemët. Kjo ka krijuar dhe probleme në qarkullimin e mjeteve.
Forcat e zjarrfikëses kanë qenë në gatishmëri për të bërë të mundur hapjen e rrugës dhe qarkullimin normal. Reshjet me intensitet të lartë priten të jenë sot në Shkodër, Lezhë, Kukës, Vlorë dhe Gjirokastër.
Ministria e Mbrojtjes ka dalë me një njoftim në orët e para të mëngjesit të sotëm ku bën të ditur se këto pesë qarqe të vendit mund të rrezikojnë përmbytjet. Kjo për shkak të motit të keq që ka përfshirë vendin prej disa ditësh.
Lexo edhe: MM njofton përkeqësim të motit: Këto qarqe rrezikojnë përmbytjen
Discussion about this post