Erden Atiç nis zyrtarisht punën si kryetar i Mitrovicës së Veriut

Ditën e sotme, Erden Atiç ka nisur punën si kryetar i komunës së Mitrovicës së Veriut.

Ai tha se tashmë ka filluar edhe me emërimin e drejtorëve të rinj, teksa shtoi se do të takojë edhe punonjësit e administratës së komunës.

“Këto ditë kemi shumë punë për të bërë. Kam nisur me emërimin e drejtorëve dhe sot gjatë ditës do t’i vizitoj edhe punëtorët e administratës. Përveç mediave sot pres edhe shumë mysafirë të tjerë”, -ka thënë Atiç.

Atiç përmendi edhe çështjen e Urës së Ibrit, për të cilën tha se tashmë është në dorën e Ministrisë së Administrimit dhe Pushtetit Lokal.

“Për Urën e Ibrit tashmë kemi një vendim të asamblesë komunale dhe tani është në dorën e MAPL-së”, ka thënë ai.