Policia e Britanisë së Madhe ka zbarkuar në një banesë në Derby, duke zbuluar dhjetëra mijëra paund lëndë narkotike të llojit kanabis sativa. Oficerët e patrullës kanë arritur madje të ndiejnë edhe erën e drogës. Sipas Derbytelegraph, ata gjetën pesë dhoma të caktuara për të rritur bimët ilegale, si dhe shqiptarin që paguhej për tu kujdesur për to.
Martin Ndoci, kishte paguar për të ardhur në Britaninë e Madhe me një kamion dhe ishte përfshirë në operacionin e paligjshëm, pasi donte para për ti sjellë në Shqipëri për të paguar kujdesin mjekësor për djalin e tij të sëmurë. Por në vend të kësaj ai e ka gjetur veten pas hekurave.
Duke e burgosur për gjashtë muaj, gjyqtari Shaun Smith tha: Ndoci, ju ishit kopshtar për një fermë kanabisi në një banesë. Ishte një strukturë mjaft profesionale dhe ishte në gjendje të prodhonte shumë kanabis. Prokuroria sugjeron se ishte ajo që është cilësuar si një operacion tregtar. Pas një gjyqi, unë do t’ju kisha dënuar me tetë muaj. Ju merrni 25% ulje dënimi për pranimin tuaj të fajësisë që e zvogëlon atë në gjashtë muaj dhe ky është dënimi që do ta shqiptoj, gjashtë muaj burgim.
Pesë dhoma po përdoreshin për rritjen e kanabisit dhe në total u gjetën pak më pak se 200 bimë. Ishte një rendiment i aftë për përdorim komercial dhe ishte një strukturë mjaft profesionale. Rendimenti i mundshëm ishte midis 5.4 kg dhe 16.3 kg, i cili, në varësi të mënyrës se si u nda dhe u shit, mund t’i kishte sjellë shefat e të pandehurit midis 34,920 dhe 116,400 £.
Discussion about this post