Genci Tila, babai i djalit 4-vjeçar që humbi jetën dje në shembjen e ndërtesës në zonën Madonna di Campagna në Torino, ka folur ditën e sotme folur për mediat italiane ku ka kërkuar drejtësi.
“Ne duam drejtësi. Erdhëm këtu në Torino për të filluar një jetë të re, sot kishim një takim për të gjetur një shtëpi tjetër sepse asgjë nuk funksiononte atje. Unë e nuhata gazin“.- tha ai.
La Reppublica njofton se babai i vogëlushit Aron, 4 vjeç, i cili vdiq, doli këtë mëngjes nga spitali. 40-vjeçari shqiptar është ende i dobët, mëngjesin e djeshëm ai ishte jashtë ndërtesës dykatëshe të shkatërruar nga shpërthimi duke pritur që zjarrfikësit të nxirrnin Aronin e vogël nga rrënojat dhe për tronditjen ai u dërgua në Maria Vittoria.
